Legenda:
Il minister da l'interiur, Angelino Alfano.
Keystone
cuntegn
Exteriur - Italia chatscha 45 islamists or dal pajais
L'Italia rinforza ses engaschi cunter il terrorissem da fundamentalists. Dapi l'entschatta da l'onn sajan 45 terrorists islamistics vegnids bandischads dal pajais, rapportan medias talianas che sa refereschan al minister da l'interiur, Angelino Alfano.
Ulteriuras 64 persunas sajan vegnidas arrestadas pervi da propaganda dschihadistica. Plinavant haja la polizia controllà passa 100 bastiments en la Mar Mediterrana. Tenor il schef da la polizia taliana, Alessandro Pansa, creschia il privel che terrorists sa maschaidian tranter ils fugitivs ed arrivian uschia en l'Italia.
