En l'Italia datti ina chauma generala oz. Il traffic public è pertutgà da la chauma durant 4 uras. A quai èn sa cunvegnids ils sindicats e la regenza taliana. Betg pertutgà da la chauma èn aviuns. L'administraziun publica, scolas ed il sectur da sanadad èn pertutgads durant 8 uras. En ospitals vegnian be fatg operaziuns e tractaments urgents.
Clamà a la chauma avevan plirs sindicats talians. Els pretendan che las pajas e las rentas vegnan adattadas a la chareschia. La chauma è er in protest cunter la politica da Georgia Meloni è sia regenza, ch'è ina colliaziun da trais partidas a la dretga. Quella ha empruvà da restrenscher la chauma a moda administrativa. En tut cuzza la chauma generala 8 uras.