Tenor ina retschertga da la gasetta dal di «La Repubblica» munta la popularitad da la regenza nova da Cinque Stelle e lega a 62%. Il zercladur era quella anc tar 57%.
Popularitad creschida sin cifra da record
Il primminister independent Giuseppe Conte po quintar cun il sustegn da 61% dals Talians. Il minister da l’intern e schef da la Lega Matteo Salvini vegn sin 60%, in plus dad 8%. La simpatia per il schef dal moviment Cinque Stelle Luigi di Maio è s’augmentada per 13% sin 57%.
Curs sever cunter bartgas da fugitivs è bainvesì
Passa la mesadad dals dumandads beneventa la decisiun da la regenza da scumandar che bastiments cun fugitivs a bord sbartgan en ports talians.
Tar ils aderents da las partidas da la regenza è quest’acceptanza anc pli gronda: 75% dals electurs da Cinque Stelle e 85% dals electurs da la Lega sustegnan il curs sever cunter ils fugitivs da bartgas.
RR novitads 10:00