Siglir tar il cuntegn

Header

Navigaziun

cuntegn

Exteriur Italia: Cinque Stelle perda sustegn

Fertant che la partida da dretga Lega enturn il minister da l'intern Matteo Salvini gudogna simpatia tar ils Talians e las Talianas, è ses partenari da coaliziun Cinque Stelle crudà sin in record bass da 21,2%.

Il logo da la partida vi d'ina maisa durant ina preschentaziun da la partida.
Legenda: Il Movimento Cinque Stelle perda adina dapli il sustegn en l'Italia. Keystone

En l’Italia survegn la partida «Movimento Cinque Stelle» adina damain sustegn. Entant che la simpatia per la Lega, la partida da regenza dretga, daventa adina pli gronda, è il partenari da coaliziun «Cinque Stelle» confruntà cun ina perdita d’image.

Tenor ina retschertga ch’è vegnida publitgada la sonda è il sustegn per il «Movimento Cinque Stelle» crudà sin 21,2% da las vuschs ed è cun quai uschè pitschen sco anc mai. Tar las elecziuns dal parlament dal mars da l’onn passà aveva la partida anc obtegnì bundant 32% da las vuschs.

RR novitads 14:00