Siglir tar il cuntegn

Header

cuntegn

Italia Franada per Salvini

Il populist da dretga e minister da l'intern, Matteo Salvini, sto magunar ina rebattida. Il primminister Giuseppe Conte na sto betg sa metter avant il senat per in votum da disfidanza, sco quai che Salvini aveva pretendì, scriva l'agentura da novitads SDA.

Persuenter ha il senat decidì che Conte sto dar giu mardi proxim ses parairi davart la crisa da regenza. E suenter possia capitar tut, ha ditg ina pledadra dal senat.

Atgnamain era vegnì spetgà ch'i dettia lura il votum da disfidanza sco quai che la partida Lega da Salvinia aveva inoltrà. Quest proceder na resulta dentant betg da l'agenda.

L'emna passada ha Salvini bittà en la crisa la coaliziun tranter Lega e Movimento Cinque Stelle. El insista sin elecziuns novas. Questas èn pussaivlas pir cura ch'il primminister inoltrescha sia demissiun al president Sergio Mattarella.

RR novitads 06:00

Artitgels legids il pli savens