Paolo Gentiloni, il minister da l'exteriur talian d'enfin uss, è il nov primminister da l'Italia. Il president dal stadi, Sergio Mattarella ha incumbenà il politicher socialdemocratic da 62 onns da furmar ina nova regenza, quai ha communitgà il presidi a Roma.
Suenter la fin da las consultaziuns politicas da Mattarella ha el envidà da mezdi Paolo Gentiloni ad in discurs. Matterella vul che la nova regenza refurmescha la lescha d'elecziun fin la fin da la legislatura l'entschatta dal 2018.
RR novitads 14:00