Siglir tar il cuntegn
Inhalt

Exteriur Italia – Las partidas da dretga e populisticas èn davant

Las emprimas calculaziuns mussan: las partidas populisticas e las partidas da la dretga èn davant. Ina clera maioritad na cuntanschan dentant er quellas betg.

Microfons da schurnalists che spetgan sin ils resultats definitivs.
Legenda: Tenor emprimas calculaziuns èn las partidas da dretga e populisticas davant. Keystone

Las emprimas calculaziuns suenter l'elecziun dal parlament en l'Italia da la dumengia mussan, che las partidas dals populists e da la dretga èn davant. Ellas na cuntanschan dentant betg la maioritad necessaria per furmar ina regenza.

La pli ferma partida pudess esser il moviment da las Tschintg Stailas cun var 33% da las vuschs. L'allianza dal center e la dretga cun l'anteriur primminister Silvio Berlusconi vegn sin radund 36%. Ils Socialdemocrats dal primminister actual Paolo Gentiloni fan mo 18%.

Tar las elecziuns dal senat na sa mussa medemamain nagina clera maioritad. Ils resultats definitivs da las elecziuns talianas spetgan ins en il decurs dal di.

RR novitads 06:00