En il Tirol dal sid hai ier saira dà ferms urizis e stemprads. Ils curts, ma intensivs urizis, han laschà enavos per part grevs donns en parts da la provinza dal nord da l’Italia.
En insaquantas cuntradas èn punts vegnidas stgarpadas davent da las massas d’aua. En las Dolomitas, sut il Grödner Joch, è ina bova ida a val. Plirs vehichels èn vegnids sepulids sut las massas da la bova.
video
Tirol dal Sid: aual stgarpa davent punts
Or da News-Clip dals 30.07.2023.
laschar ir. Durada: 28 Secundas.
Glera e glitta han plinavant bloccà en l'ost dal Tirol dal Sid pliras vias e plirs bajetgs. Las lavurs da rumir hajan cumenzà, uschia ils pumpiers dal Tirol dal Sid. Igl n'haja dà nagins blessads.