Siglir tar il cuntegn

Header

Ferma plievgia ed vent han chaschunà gronds donns sin l'insla en il golf da Napel.
Legenda: Ferma plievgia ed vent han chaschunà gronds donns sin l'insla en il golf da Napel. Keystone
cuntegn

Italia Malauras sin insla Ischia chaschunan 8 morts

Sonda bun'ura han malauras extremas chaschunà grondas bovas sin l'insla Ischia en l'Italia. Otg persunas èn mortas. Tranter las unfrendas èn era dus uffants ed in pop da 22 mais. Tschintg persunas èn anc sparidas.

Bovas han inundà las vias, purtà davent autos e serrà en persunas en lur chasas. La plievgia permanenta la fin d'emna ha engrevgià las lavurs da salvament. 230 persunas han las autoritads mess en segirtad en hotels ed indrizs d'urgenza. Spezialmain pertutgads èn ils vitgs Casamicciola e Lacco Ameno.

La regenza ha ordinà il stadi d'urgenza sur l'insla cun 60'000 abitantas ed abitants. Ella ha concedì dus milliuns per in comité ch'organisescha las lavurs da reconstrucziun per l'insla da vacanzas populara.

audio
Per tadlar: las novitads da las 10:00
ord RTR Audio dals 28.11.2022.
laschar ir. Durada: 3 minutas 26 Secundas.

RTR novitads 10:00

Artitgels legids il pli savens

Scrollar a sanestra Scrollar a dretga