En l’Italia è la nova regenza da la primministra Giorgia Meloni vegnida saramentada sonda avantmezdi. Il president dal stadi, Sergio Mattarella, ha incumbensà la scheffa da la partida radical-dretga «Fratelli d’Italia» da furmar ina nova regenza. Quai vul Meloni far ensemen cun las duas partidas «Forza Italia» da Silvio Berlusconi e la «Lega» da Matteo Salvini.
L'allianza da la dretga aveva gudagnà las elecziuns parlamentaras la fin da settember. Meloni succeda uschia a Mario Draghi e daventa l'emprima primministra da l'Italia insumma.
Legenda:
Venderdi avantmezdi han las trais partidas annunzià dad avair preparà in'alianza. (Giorgia Meloni (entamez) sper Silvio Berlusconi da «Forza Italia» (sanestra) ed il schef da la «Lega» Matteo Salvini (dretga)).
Reuters