Siglir tar il cuntegn

Exteriur Italia: obligatori da virolar uffants

Tut ils uffants e giuvenils fin 17 onns ston sa laschar virolar en l'Italia. La raschun è ina epidemia dal virustgel.

Obligatori da virola: per tut ils uffants en l'Italia.
Legenda: Obligatori da virola: per tut ils uffants en l'Italia. Keystone

Obligatori per tut ils uffants

Il parlament talian ha decidì cun gronda maioritad in obligatori da virolar ils uffants. L'obligatori vala per uffants e giuvenils sut 17 onns. Ils geniturs ston ussa laschar virolar lur uffants encunter 10 malsognas.

Nagina scola e chastis

Geniturs che refuseschan da laschar violar lur uffants na dastgan betg pli laschar ir quels a scoletta ed a scola. Plinavant ston els quintar cun in chasti da 1000 Euros. La raschun per la virolaziun obligatoria è ina epidemia dal virustgel en l'Italia. Dapi l'entschatta da quest onn hai dà 3500 infecziuns e trais mortoris.

RR novitads 20.00