Total haja dà 26 sbartgaments. Er oz vegn spetgà ch'ulteriurs bastiments arrivian. 974 persunas sajan totalmain arrivadas cun bastiments durant las ultimas 24 uras. Il champ per fugitivs sin l'insla è entant puspè surchargià. En il champ per migrants hai en sasez plaz per radund 400 persunas. Entant sajan 1'883 persunas en quel, rapporta l'agentura da novitads taliana Ansa.
Dumengia hai dà in'acziun da salvament datiers da Malta. 25 persunas hajan ins pudì spendrar or da l'aua, rapporta l'organisaziun d'agid tudestga Resqship. Duas persunas hajan ins chattà mortas. Er quellas 25 persunas èn vegnidas a Lampedusa. Ulteriuras persunas èn anc adina sparidas.
Quest onn han las autoritads talianas a Roma gia dumbrà passa 28'000 persunas che han cuntanschì l'Italia sin in bastiment. Passa quatter giadas dapli che la medema perioda da l'onn avant.