L'ursa è stada enconuschenta en l'Italia, ella è adina puspè cumparida en l'internet perquai ch'ella è spassegiada tras vitgs cun ses ursins. Suenter ch'ella è vegnida sajettada d'in um en il parc naziunal da las Abruzzas, fan bleras persunas quitads. Senza lur mamma pon els mo surviver intgins dis.
Entant survegn l'um che ha sajettà giu l'ursa tenor atgnas indicaziuns smanatschas. El di ch'el haja sajettà per sa defender. La procura publica investighescha tuttina encunter el. Anc pli fitg che quai cas fatschenta il public il destin dals ursins. Dapi dis emprova il persunal dal parc naziunal da chattar ils ursins ensemen cun gidonters e gidontras.