Siglir tar il cuntegn

Exteriur Italia rinforza scumond da fimar

En l'Italia daventa il scumond da fimar pli sever. Da nov èsi er scumandà da fimar en l'auto, sche uffants u dunnas en speranza sesan en il vehichel. Quai ha decis il cabinet a Roma.

In um fima en in auto.
Legenda: Gia dapi il 2005 èsi scumandà en l'Italia da fimar en lieus publics sco ustarias e biros. Keystone

Plinavant èsi en l'avegnir er scumandà da fimar avant ospitals. Sin ils pachets da cigarettas sto vegnir stampà in text che starmenta ed in maletg che cuvra almain 65% da la surfatscha.

Ultra da quai vegnan augmentads ils chastis per la vendita da rauba da tubac a minorens.

RR novitads 11:00