Siglir tar il cuntegn

Header

cuntegn

Italia Senza pass da Covid – nagina lavur

Tgi che n'ha nagin pass da Covid, na dastga betg pli lavurar en Italia e na survegna er nagina paja pli. Var 23 milliuns Talianas e Talians èn pertutgads da la nova lescha.

Be tgi ch'è vaccinà, guarì u testà negativ dastga anc lavurar. Plinavant ston persunas betg vaccinadas uss surpigliar ils custs per ils tests da corona. En tschertas branschas, sco quella da sanadad, u en scolas ha questa regla gia valì, uss vegn ella schlargiada sin l'entira economia privata. Tgi che n'ha nagin pass da Covid, sto star a chasa e na survegn er nagina paja.

In'excepziun duai dar per exempel per persunas che vegnan da l'ost ed èn vaccinads per exempel cun la virola Sputnik, che n'è betg renconuschida en Italia. Uschiglio smanatschan problems tar il traffic da vitgira.

La dretga ed il center recloman

Politichers, sur tut da la dretga e dal center recloman davart il decret dal primminister Mario Draghi. Perquai ch'ils tests n'èn betg pli gratuits per creschids e custan 15 euros. Stuair pajar per ir a lavurar, quai na giaja betg. Il vaccin da corona è gratuit, è la resposta dals commembers da la regenza.

Exact uschia funcziuna er la strategia da Draghi: El vul che dapli persunas vegnan uschia motivadas da sa laschar virolar. Perquai ch'il svilup è per il mument bun en il pajais, pon uss er puspè clubs avrir lur portas. Er kinos e teaters pon puspè emplenir tut lur plazzas. Premissa per entrar: il pass da Covid. En il pajais vischin èn radund 85% da las persunas sur 12 onns vaccinads almain ina giada encunter corona.

Ord l'archiv da SRF:

Dacurt hai dà grevas escalaziuns tar ina demonstraziun encunter emsiras da corona a Roma.

video
Excess tar demonstraziun da corona a Roma.
Or da News-Clip dals 10.10.2021.
abspielen. Laufzeit 1 minuta.

RTR novitads 06:00

Artitgels legids il pli savens

Scrollar a sanestra Scrollar a dretga