Siglir tar il cuntegn

Header

Il maletg mussa il salvament da fugitivs tras la guardia costala da l'Italia, ils 29 da mars 2016.
Legenda: Il salvament da fugitivs tras la guardia costala da l'Italia, ils 29 da mars 2016. Twitter Guardia Costiera @guardiacostiera
cuntegn

Exteriur Italia spendra bunamain 1'400 fugitivs sin Mar Mediterrana

Bastiments talians han tenor indicaziuns uffizialas liberà il mardi bunamain 1’400 fugitivs. Els avevan empruvà da traversar la Mar Mediterrana da l’Africa dal Nord en direcziun da l’Europa cun bartgas da gumma.

La marina taliana ha communitgà ch’ella haja liberà circa 570 persunas ord da bartgas da gumma. Vinavant ha la guardia da la costa liberà ulteriurs 780 fugitivs. En ina citad sin l’insla Sicilia èn ils davos dis anc ina giada arrivads 730 migrants ch’eran vegnids liberads or dal privel da mar. La maioritad dals fugitivs arriva da l’Africa.

Dapli fugitivs cun midada da temperatura

Cun las temperaturas pli chaudas quintan experts ch’il dumber da fugitivs che vulan traversar la Mar Mediterrana s’augmentia. Dapi l’entschatta dal 2015 èn arrivadas en l’Europa dapli che 1,2 milliuns persunas, quai da pajais arabs, da l’Africa e da l’Asia. Ils blers da quels avevan nizzegià la ruta dal Balcan ch’è entant serrada.

RR novitads 06:00

Artitgels legids il pli savens

Scrollar a sanestra Scrollar a dretga