Siglir tar il cuntegn
Inhalt

Exteriur Italia trametta bastiments da guerra

L'Italia ha tramess bastiments da guerra en direcziun da la Libia. Sco quai che medias talianas rapportan, sa participeschian ils bastiments ad in trenament avant la costa libica.

Bastiments da guerra
Legenda: Archiv: Ils bastiments da guerra talians èn partids en direcziun Libia. Keystone

Ils bastiments sajan dentant era pronts per l'attatga, sch'il conflict en il pajais nord-african escaleschia.

Tenor la gasetta quotidiana "La Stampa" fetschia l'Italia gronds quitads pervi da la situaziun alarmanta en la Libia. Il pajais na tema betg mo che l'unda da fugitivs s'augmentia, l'Italia fa era quitads pervi da las furniziuns d'ieli dal pajas african.

RR novitads a las 12:00