Siglir tar il cuntegn
Inhalt

Exteriur Italia trametta preventiv dispitaivel a Brüssel

Tranter auter prevesa quel l'introducziun d'ina paja minimala e levgiaments da taglia.

Purtret Giuseppe Conte
Legenda: Il primminister talian Giuseppe Conte ha preschentà ils plans il glindesdi. Keystone

Curt avant ch'il termin è scadì ha la regenza taliana tramess ses preventiv per il 2019 il glindesdi a Brüssel. Il preventiv cuntegnia las empermischuns da la regenza e tegnia er en urden las finanzas statalas, quai ha ditg suenter la seduta da la regenza il primminister Giuseppe Conte.

Far dapli daivets per ademplir las empermischuns

Ils plans da la regenza da la Lega e la Cinque Stelle prevesan tranter auter ina paja minimala per ils burgais talians, levgiaments da taglia per persunas independentas u fatschentas pitschnas u er la pussaivladad dad ir pli baud en pensiun. Per questas empermischuns che mainan a dapli daivets è l'Italia internaziunal en la critica. Er sin ils martgads èsi stà instabil.

La cumissiun da l'Uniun europeica sto enfin ils 30 da november dar ina resposta als stadis commembers sin lur sbozs da preventiv.

RR novitads 06:00