Siglir tar il cuntegn

Exteriur IWF banduna tractativas cun la Grezia

Il Fond monetar internaziunal (IWF) ha interrut las contractivas cun la Grezia. Il team dal IWF saja returnà en ils Stadis Unids, conferma in pledader.

bandiera da l'Ue e la grezia ch'èn ruttas
Legenda: La situaziun desolata da las finanzas en Grezia engrevgescha era las relaziuns cun l'Uniun europeica. Keystone

En in tun pauc diplomatic haja crititgà il pledader la mancanza da la delegaziun greca da vulair chattar cumpromiss. Ils ultims discurs n’hajan betg purtà progress en las tractativas cun la Grezia che stat curt avant il bancrut statal.

Ussa stoppia la Grezia stoppia prender l’iniziativa per chattar soluziuns, ha ditg il pledader dal fond montar internaziunal.

Iniziativas sin plirs nivels

Avant eran anc s'inscuntrads il premminister grec Alexis Tsipras ed il schef da la cumissiun da l'Uniun europeica Jean-Claude Juncker per discurs. Detagls da quest inscunter n'èn però anc betg enconuschents.

RR novitads 06:00