Siglir tar il cuntegn

Header

James Last.
Legenda: James Last è mort cun 86 onns. Keystone
cuntegn

Exteriur James Last è mort

Il musicist, cumponist e manader d'orchester James Last è mort. Last ch'era naschì a Bremen ed aveva num per propi Hans Last, ha pudì festivar da curt ses 86avel anniversari.

Cun ses orchester da 40 persunas ha el influenzà l'uschenumnà «Happy Sound» che tutga tar la direcziun da stil da «Easy Listening».

«Das Traumschiff» e «Der Landarzt»

El è tranter auter vegnì enconuschent cun sias cumposiziuns per las serias da film: «Das Traumschiff» e «Der Landarzt», ma er cun tocs sco «Der einsame Hirte». Cun ses orchester ha el fatg turneas per l'entir mund enturn. El ha vendì milliuns da plattas e CD's.

Il musicist è mort ier saira a Florida en la vegliadetgna dad 86 onns, ha communitgà ses organisatur da concerts Semmel Concerts a Berlin.

RR novitads 11:00

Artitgels legids il pli savens

Scrollar a sanestra Scrollar a dretga