Dasper tut las chaussas ch'èn sa midadas en la vita da Trump èn intginas chaussas dentant era restadas tuttina. El è anc adina in um en acziun che telefonescha l'entir di cun partenaris (ussa politics) e che s'entaupa cun cussegliaders (er cheu ussa politics). Dentant giaja el era bler a s'entuppar cun umens da fatschenta e collegas da pli baud, per survegnir cussegl da quels e per pudair survegnir forza. Ses cabinet haja emprendì d'ir enturn cun quai.
La relaziun da Trump cun las medias è in pau tendida. Gia durant il cumbat electoral è el vegnì en ils chavels cun quellas. Perquai ch'el sa senta tractà malgist ha el ditg giu a la tschaina annuala dals correspundents da la Chasa alva questa sonda.
Cun 100 dis en uffizi cumpletescha trump er ses cabinet
Venderdì è il cabinet da Trump vegnì cumplettà cun Alexander Acosta. El daventa minister da lavur. Cun Acosta è er l'emprima persuna cun ragischs latinoamericanas vegnì en il cabinet da Trump. Venderdi ha er il senat approvà l'elecziun d'Acosta.
Avant ha Trump dentant adina puspè gì fadias da dumagnar las persunas ch'el vul. Andy Puzder, per exempel fiss stà il candidat che Trump aveva tschernì sco emprim per il post dal minister da lavur. Quel è dentant sa retratg. Ma er Bob Howard n'ha betg vulì surpigliar il post sco cussegliader da segirezza. Il milliardari Vincent Viola fiss stà previs sco minister da l'armada. Philip Biden avess duì daventar minister da minister da la marina. Il pli bler discussiun ha chaschunà Michael Flynn. El è stà be paucs dis minister da segirezza dals Stadis Unids. Ma ses contacts dubius cun la Russia han procurà ch'el è sa retratg.
Cabinet da Trump
Mike Pence | Vicepresident dals Stadis Undis, dapi ils 20 da schaner 2017 |
Ministers | |
Rex Tillerson | Minister da l'exteriur, dapi ils 1 da favrer 2017 |
Steven Mnuchin | Minister da las finanzas, dapi ils 13 da favrer 2017 |
James N. Mattis | Minister da defensiun, dapi ils 20 da schaner 2017 |
Jeff Sessions | Minister da la giustia, dapi ils 9 da favrer 2017 |
Ryan Zinke | Minister da l'intern, dapi ils 1 da mars 2017 |
Sonny Perdue | Minister da l'agricultura, dapi ils 25 d'avrigl 2017 |
Wilbur Ross | Minister da commerzi, dapi ils 28 da favrer 2017 |
Alexander Acosta | Minister da la lavur, dapi ils 28 d'avrigl 2017 |
Tom Price | Minister da sanadad, dapi ils 10 da favrer 2017 |
Ben Carson | Minister da construcziun d'abitaziun e svilup urban, dapi ils 2 da mars 2017 |
Elaine Chao | Ministra da traffic, dapi ils 31 da schaner 2017 |
Rick Perry | Minister d'energia, dapi ils 2 da mars 2017 |
Betsy DeVos | Ministra per la formaziun, dapi ils 7 da favrer 2017 |
David Shulkin | Minister per ils veterans da guerra, dapi ils 14 da favrer 2017 |
John F. Kelly | Minister per la segirezza interna, dapi ils 20 da schaner 2017 |
Ulteriuras posiziuns en il cabinet | |
Reince Priebus | Schef dal stab, dapi ils 20 da schaner 2017 |
Nikki Haley | Ambassadura da l'ONU, dapi ils 24 da schaner 2017 |
Scott Pruitt | Manader da la protecziun per l'ambient (Environmental Protection Agency, EPA), dapi ils 17 da favrer 2017 |
Mick Mulvaney | Directur da l'uffizi per management e budget, dapi ils 16 da favrer 2017 |
Robert Lighthizer | Incumbensà da commerzi |
Daniel Ray Coats | Directur da la protecziun naziunala (National Intelligence), dapi ils 16 da mars 2017 |
Michael Richard Pompeo | Directur da la protecziun interna (Central Intelligence Agency, CIA), dapi ils 23 da schaner 2017 |
Linda McMahon | Mandadra da l'uffizi per la classa mesauna, dapi ils 14 da favrer 2017 |
RR novitads 10:00