Jean-Marie Le Pen vul restar en la politica

Jean-Marie Le Pen na vul betg sa retrair da la politica. Il fundatur e president d'onur da la partida franzosa da l'extrema dretga Front National ha refusà in tal appel da sia figlia e successura sco presidenta da la partida.

Marine Le Pen cun ses bab Jean-Marie Le Pen Bild in Lightbox öffnen.

Legenda da maletgs: La scheffa dal Front National Marine Le Pen cun ses bab Jean-Marie Le Pen. Reuters

La scheffa dal Front National Marine Le Pen aveva cusseglià a ses bab da sa retrair suenter che quel aveva fatg lingias grassas cun remartgas rassisticas e cun bagatellisar il holocaust. Ella ha annunzià ina procedura disciplinara entaifer la partida.

A l’emettur da televisiun RTL aveva Jean-Marie Le Pen ditg, ch’el restia sa chapescha damai ch’el saja elegì.

RR novitads 16:00