En ils Stadis Unids vul ussa in terz Bush daventar president. L'anteriur guvernatur da la Florida, Jeb Bush, ha communitgà sia candidatura per las elecziuns dal november 2016. La campagna electorala ha Jeb Bush ha cumenzà cun empermetter dapli creschament economic e dapli bainstanza.
El vul far crescher l'economia per 4% e crear 19 milliuns plazzas novas en ils Stadis Unids. Jeb Bush, ch'ha 62 onns, vala sco republican moderà. Tenor experts ha'l bunas schanzas. Da la vart dals democrats vala l'anteriura First Lady Hillary Clinton sco favurita.
RR novitads 06:00
sda/hs