Julian Assange en arrest arbitrar

Da quest avis è l'ONU. Ella pretenda dapli libertad da sa mover per il fundatur da Wikileaks. Tut auter vesan quai la Gronda Britannia e la Svezia.

Demonstrants a Londra pretendan da betg extradir Julian Assange. Bild in Lightbox öffnen.

Legenda da maletgs: Demonstrants a Londra pretendan da betg extradir Julian Assange. Keystone

La dimora sfurzada dal fundatur da Wikileaks Julian Assange en l'ambassada dal Ecuador a Londra saja in'arrestaziun arbitrara. Da quest avis è in gremi da l'ONU. Quel pretenda che la Gronda Britannia e la Svezia indemniseschian Assange.

Julian Assange era fugì la stad 2012 en l'ambassada ecuadoriana a Londra, perquai ch'el stueva quintar che la polizia britannica extradeschia el a la Svezia. Là investighescha la procura publica ina reproscha da violaziun cunter Assange.

Entant an tant la Gronda Britannia sco era la Svezia refusà la valitaziun dal gremi da l'ONU.

RR novitads 12:00