L'interrogaziun da las proximas emnas duai avair lieu en l'ambassada ecuadoriana a Londra, ha fatg a savair il ministeri da l'exteriur da l'Ecuador.
La Svezia haja gia dapi in onn sa spruvà da savair interrogar Assange en chaussa. In emprima dumonda aveva l’Ecuador refusà per motivs formals.
Assange aveva tschertgà asil en l’ambassada ecuadoriana il zercladur 2012 per ch’el na vegnia betg surdà a las autoritads svedaisas. Il motiv è ch’el na leva betg vegnir extradì ni a la Svezia ni als Stadis Unids.
En ils Stadis Unids smanatscha Julian Assange in lung chasti d’arrest pervi da las scuvertas da Wikileaks – perfin la paina da mort fiss pussibla.
RR novitads 11:00