Siglir tar il cuntegn

Header

cuntegn

Exteriur Juncker cun appel a populaziun grecca

Il president da la cumissiun da l'UE, Jean Claude Juncker appellescha a la populaziun grecca.

En vista a l'escalaziun da la crisa en Grezia, ha il president da la cumissiun da l'UE Jean-Claude Juncker prendì posiziun.

Propostas fairas

El ha tranter auter defendì il pachet da spargn e da refurmas proponì. Las propostas da refurma dals pajais da l'euro sajan fairas e na prevesian naginas scursaniziuns da rentas e pajas, uschia Juncker. Ultra da quai stoppia la Grezia spargnar 12 milliardas euros damain.

En vista al referendum da questa dumengia ha el appellà a la populaziun grecca da dir gea. Quai saja in segn envers l'UE ed il mund ch'il pajais veglia restar en l'UE e la zona da l'euro. In «Grexit» na saja nagin'opziun. Cun in na schess la Grezia na a l’euro ed a l’UE. I saja l’ura da la vardad.

Stentas per prolungar program d'agid

Entant sa stenta il schef da la regenza grecca, Alexis Tsipras per ina prolungaziun dal program d'agid tar l'Uniun europeica. Il primminister haja perquai supplitgà il schef da la cumissiun Jean-Claude Juncker per sustegn, uschia represchentants da la regenza grecca.

I giaja per in pèr dis dapli temp per puspè procurar ch'il sistem da bancas saja liquid avant la votaziun davart il program da spargn.

Tsipras haja plinavant discurrì cun il schef dal parlament d'Europa Martin Schulz e supplitgà per sustegn dal parlament.

RR novitads 14:00

Artitgels legids il pli savens