Siglir tar il cuntegn
Inhalt

Exteriur Kavanaugh elegì definitivamain

Brett Kavanaugh è vegnì saramentà sco derschader al Tribunal suprem dals Stadis Unids. Il senat ha elegì il candidat da Donald Trump cun 50 cunter 48 vuschs.

Brett Kavanaugh.
Legenda: Brett Kavanaugh. Keystone

Malgrà las rinfatschas d'avair mulestà sexualmain pliras dunnas durant ses temp da student, è Kavanaugh vegnì elegì sco nov derschader en il Supreme Court, la pli auta dretgira da l'USA. Cun l'elecziun da Kavanaugh han ils conservativs puspè la maioritad en il Tribunal suprem – e quai probablamain per ils proxims onns. Ils derschaders per il Supreme Court vegnan numnadamain elegì per vita duranta.

Il resultat da l'elecziun pon ins valitar sco gronda victoria per la politica interna dal president american Donald Trump. Ina maioritad conservativa en la dretgira è stà ina da las grondas empermischuns electoralas da Trump.

RR novitads 06:00