Siglir tar il cuntegn
cuntegn

Exteriur Khashoggi: CIA fa responsabel prinzi da l'Arabia Saudita

Suenter avair valità differentas funtaunas vegn il CIA a la conclusiun che Mohammed bin Salman haja cumandà d'assassinar il criticher dal reschim saudiarab Jamal Khashoggi.

Mohammed bin Salman.
Legenda: Tenor il CIA duai il prinzi da l'Arabia Saudita, Mohammed bin Salman, esser responsabel per il mazzament dal schurnalist Jamal Khashoggi. Keystone

Ils Stadis Unids smanatschan cun consequenzas als responsabels dal mazzament dal schurnalist Jamal Khashoggi. Tenor opiniun dal servetsch secret CIA haja il prinzi ereditar da l’Arabia Saudita, Mohammed bin Salman dà l’ordra da mazzar il schurnalist Jamal Khashoggi.

L’entschatta d’october era Khashoggi svanì en il consulat saudiarab ad Istanbul. Suenter plirs dementis ha l’Arabia Saudita sut squitsch internaziunal concedì d’avair mazzà il criticher dal reschim. Fin uss n’èsi però betg cler, tge ch’è capità cun la bara da Jamal Khashoggi.

RR novitads 09:00