Siglir tar il cuntegn

Header

Navigaziun

cuntegn

Exteriur Kim Jong Un è pront per s'incuntrar ina terza giada cun Trump

En la dispita davart il program atomar è il potentat da la Corea dal Nord, Kim Jong Un pront per in terz inscunter cun il president american Donald Trump. El saja però be interessà sch'ils Stadis Unids sa participeschian cun la dretga tenuta, citescha l'agentura da novitads statala KCNA il potentat. Ins spetgia ina decisiun fin la fin da l'onn. La gievgia aveva Trump declerà ch'in ulteriur inscunter cun Kim saja pussaivel.

Kim Jong Un
Legenda: Kim Jong Un Keystone

Tar lur emprim inscunter il zercladur 2018 han els decis che la Corea dal Nord vegnia denuclearisada cumplettamain. Co quella finamira duai vegnir cuntanschida n'è però anc betg cler. Lur segund inscunter il favrer passà han els terminà anticipadamain, senza chattar in cumpromiss en chaussa armas atomaras.

RR novitads 06:00