Siglir tar il cuntegn
Inhalt

Exteriur Kim Jong-un en China

Il dictatur da la Corea dal Nord è s'inscuntrà a Peking cun il president da la China Xi Jinping.

Dus politichers asiatics.
Legenda: Il president nordcorean visita il president chinais a Peking. Keystone

La visita en la China dal president nordcorean Kim Jong-un è confermà uffizialmain. Kim saja stà en la chapitala chinaisa sin invit dal president da la China Xi Jinping. Quai rapporta l'agentura da novitads statala Yonhap.

L'emprim viadi en l'exteriur enconuschent da Kim dapi ch'el ha surpiglià la pussanza il 2011 saja stà in inscunter inuffizial. Xi haja onurà las midadas positivas sin la peninsla coreana e danovamain offrì d'intermediar als discurs da pasch tranter la Corea dal Sid e dal Nord.

Kim ha confermà ch'el planiseschia in inscunter cun ils Stadis Unids e ch'el saja avert per il dialog.

RR novitads 06:00