Siglir tar il cuntegn

Header

cuntegn

Exteriur Kuczynski gudogna l’elecziun dal president en il Peru

Pedro Pablo Kuczynski è vegnì elegì sco nov president dal Peru. Il politicher neo-liberal da 77 onns succeda ad Ollanta Humala. Kuczynski ha gudagnà l'elecziun decisiva piz a cup cunter sia concurrenta Keiko Fujimoiri, quai cun 50,1% da las vuschs.

Fujimori da la partida dretg-populistica ha fatg 49,9% u 41’000 vuschs damain. Tenor la cumissiun electorala sa tractia dal pli stretg resultat en l’istorgia dal Peru. L’avrigl avea la figlia da l’anteriur president en arrest Aberto Fujimori anc gudagnà l’emprima runda da l’elecziun cun 40% da las vuschs. Kuczynski aveva lu fatg 21%.

RR novitads 08:00

Artitgels legids il pli savens