Siglir tar il cuntegn
Inhalt

Exteriur Kühne+Nagel fa dapli gudogn malgrà situaziun difficila

Al concern da transport e logistica Kühne+Nagel èsi gartegià en l'emprim mez onn da crescher. Quai malgrà la situaziun difficila dal martgà, ha communitgà il concern. Il gudogn net è creschì per 9,2% sin 356 milliuns francs. La svieuta è sa reducida levet per 0.5% sin 8,14 milliardas francs.

logo da Kühne+Nagel
Legenda: Kühne+Nagel ha gì in bun emprim mez onn. Keystone

Tuttina ha Kühne+Nagel lavurà effizientamain. Quai sa mussa tenor il concern da logistica en il gudogn brut. Quel è s’augmentà per 7,9% sin 3,2 milliardas francs. Il gudogn operativs (EBIT) è schizunt s’augmentà l’emprim mez onn per 11% sin 455 milliuns francs. La marscha è creschida da 5 sin 5,6%.

«Tar svilups economics differents en las regiuns, ha la gruppa Kühne+Nagel pudì extender la quota da participaziun al martgà ed augmentar la prestaziun en il segund quartal», uschia il president dal cussegl d’administraziun Jörg Wolle.

RR novitads 09:00