Alan Rickman è naschì a Londra. El è stà actur da film e da teater, sco era reschissur. Sia carriera en films da kino aveva cumenzà l'onn 1988 cura ch'el ha giugà il nausch «Hans Gruber» en il film «Stirb langsam». Pli tard ha Rickman er giugà en ils films «Robin Hood-König der Diebe», «Sinn und Sinnlichkeit» e davent dal 2001 en ils divers films da «Harry Potter». L'onn 1997 aveva Rickman fatg per l'emprima gia reschia, e quai en il film «The Winter Guest».
Rickman ha gudagnà numerus premis internaziunals. Ils 1997 ha el survegnì in «Golden Globe» per sia prestaziun en la seria da televisiun «Rasputin». En questa seria ha el giugà la rolla principala.
Ils 21 da favrer avess l'actur pudì festivar ses 70avel anniversari.
RR novitads 16:00