Per ils blers vegn el a restar en memoria sco Schimanski
Götz George aveva 77 onns. Als blers enconuschent è Götz George vegnì entras sia rolla sco cumissari «Schimanski» en la seria da crimi Tatort. Quella rolla ha el giugà durant 32 onns.
Malencurada è gronda
La mort da Götz George ha leventà reacziuns da blera prominenza ord politica, cultura e film. Tenor il minister da giustia tudestg Heiko Maas perda la Germania in dals pli gronds acturs da caracter. Ed era la ministra da cultura da la Germania, Monika Grütters, fa allusiun ad in dals megliers acturs. Cun sia moda directa, energica e ses umor sitg haja el tschentà terms en numerusas rollas. Sia mort saja ina perdita nunremplazzabla per l'art da televisiun e kino.
RR novitads 23:00