Siglir tar il cuntegn

Exteriur L'anteriur minister d'economia franzos vul daventar president.

Emmanuel Macron candidescha per ses moviment «En Marche».

Purtret d'Emmanuel Macron durant in pled.
Legenda: Emmanuel Macron durant in pled. Keystone

L'um da 38 onns era sa retratg l'avust da ses post da minister. Avant ses temp sco minister d'economia avev'el cusseglià president François Hollande e valeva sco stretg confident da lez. Tschintg mais avant las elecziuns crescha uschia il squitsch sin il candidat Hollande vinavant.

Gia l'avrigl aveva Macron fundà ses agen moviment «En Marche», che munta tant sco «en moviment». Quest moviment duai esser ni dretg ni sanester e purtar ina nova dinamica cunter las bloccadas da refurmas en Frantscha. Macron ha ditg che naginas da las partidas grondas dal pajais hajan soluziuns per ils problems actuals. Cun ses moviment veglia el ir in'atgna via.

Per blers Franzos è Macron ina persuna che porta speranzas. El sveglia speranzas ch'el sappia purtar enavant il pajais che patescha d'autas cifras da dischoccupaziun e d'ina creschientscha economica bassa. En retschertgas giascha el cleramain davant Hollande. El n'ha dentant nagina partida davos el. El è n'er anc mai vegnì elegì en in uffizi.

Las elecziuns presidialas en Frantscha èn l'avrigl dal 2017.

RR novitads 16:00