John Young saja mort il venderdi en consequenza d'ina puntga/malcostas, ha communitgà la NASA. Els hajan pers in dals piuniers da l’astronautica, ha manegià il directur Robert Lightfoot. Suenter sis sgols en il spazi ed avair lavurà passà quatter decennis tar la NASA, era Young ì en pensiun l’onn 2004.
Gronda experientscha
John Young è il sulet astronaut ch'è sa participà a tut ils trais programs spazials dals Stadis Unids, Gemini, Apollo e Spaceshuttle. Sco cumandant d'Apollo 16 ha Young passentà il 1972 trais notgs sin la surfatscha da la glina. Quai saja in lieu plaschaivel, ha el silsuenter descrit simpel e curt sia visita.
RR novitads 21:00