Siglir tar il cuntegn
Inhalt

Exteriur L'Austria vul construir ina saiv da cunfin cun la Slovenia

En vista a la crisa da fugitivs vul l'Austria segirar ils cunfins cun la Slovenia cun ina saiv.

Ina dunna mira communabel cun in policists sur ils cunfins.
Legenda: La ministra dal intern austriacca Johanna Mikl-Leitner sin visita en in center per fugitivs sin ils cunfins tranter l'Austria e la Slovenia. Keystone

La ministra dal intern austriaca Johanna Mikl-Leitner ha ditg envers l'emettur Ö1 che quai na giaja però betg per serrar ils cunfins, mabain per stgaffir in'access controllà dals fugitivs ch'arrivan sin la ruta dal Balcan en l'Austria.

Las ultimas emnas sajan las gruppas da migrants adina sa mussadas pli agressivas e malpazientas. Perquai saja quai uss da prender mesiras, ha accentuà la ministra austriacca Mikl-Leitner.

Dapi che l'Ungaria ha serrà ses cunfins cun ina saiv arrivan adina dapli fugitivs sur la Croazia e la Slovenia en l'Austria.

RR novitads 12:00