L'Austria temia da perder sia suveranitad e da betg pudair far in'atgna politica da migraziun pli cun quest pact. La cunvegna betg lianta duai fixar reglas, co ir enturn cun migrants. D'ina conferenza da l'ONU dal december duai ella vegnir acceptada. L'Ungaria è gia sortida dal pact, ils Stadis unids n'han betg prendì part a las contractivas.
Pact da migraziun da l'ONU
Avrir la boxSerrar la box
Ils 193 stadis da l'ONU avevan decis il 2016 da far in pact da migraziun. Il document da 34 paginas duai sustegnair ils stadis d'organisar moviments da fugitivs e rinforzar ils dretgs da pertutgads. Accentuà en il document vegn er ch'il dretg dals stadis da decider sez co crear la politica da migraziun na vegnia betg tangà.
