Siglir tar il cuntegn
Inhalt

Exteriur L'autur american Philip Roth è mort

In'amia sco er ses agent han confermà la mort da l'autur premià en la vegliadetgna dad 85 onns.

Philip Roth
Legenda: L'autur Philip Roth è mort en la vegliadetgna dad 85 onns (foto dal 2008). Keystone

La raschun per la mort da Roth n'è anc betg enconuschenta. Ina da las pli enconuschentas ovras da Roth è tranter auter la trilogia da romans « Der Ghostwriter», «Zuckermans Befreiung» e «Die Anatomiestunde».

Philip Roth ha er survegnì il premi da Pulitzer, quai l'onn 1998 per ses roman «American Pstoral». En sia entira carriera ha el publitgà trais tozzels cudeschs. Il 2012 aveva el annunzià da chalar da scriver. Quai aveva fatg surstar l'entira scena da litteratura. El ha da lezzas uras scrit sin in cedel «Il cumbat cun il scriver è a fin» e tatgà quel vi da ses computer.

RR novitads 07:00