Tenor l'Organisaziun mundiala per la meteorologia è l'avust anc ina giada stà pli chaud ch'il fanadur ch'aveva pir gist rut il record sco pli chaud mais da la moderna.
En l'entir mund è l'avust 2016 stà per 0,16 grads pli chaud ch'il pli chaud avust da fin quà il 2014. E quest onn vegn pli probabel ad esser il pli chaud onn dapi la registraziun da l’aura avant 137 onns, suenter ch’era l’onn 2015 ha surpassà il record da fin quà.
Las autas temperaturas da l'avust sajan in ulteriur indizi per il stgaudament climatic, uschia l'Organisaziun mundiala per la meteorologia.
RR novitads 12:00
