Siglir tar il cuntegn
cuntegn

Exteriur L'erox dals eroxs è mort

L'inventader da comics sco Spiderman, Iron Man u ils X-Men è mort cun 95 onns a Los Angeles. Ils ultims onns saja Lee adina puspè stà malsaun, scriva l'agentura da novitads SDA.

Legenda: Guardar il video Marvel - l'univers da Stan Lee. Durada 01:39 minutas.
Or da Nouvo RTR dals 26.07.2018.

Ils onns 60 ha Stan Lee revoluziunà il gener d'erox cun sia chasa editura Marvel. Bleras da sias figuras sco X-Menn, Hulk u Black Panther han dominà onns a la lunga ils kinos. Enfin la fin ha el lavurà ensemen stretgamain cun ils producents da film ed è er sez adina puspè cumparì en ils films cun ina pitschna rolla.

Stan Lee è naschì ils 28 da december 1922 sco Stanley Martin Lieber a New York. Là ha el cumenzà il 1939 sia carriera tar Timely Comics sco assistent. Sur onns ha el emplenì ils chalimars dals dessignaders cun tinta ed ha redigì ils texts. 1941 ha el publitgà sco redactur assistent sias lavurs. Suenter èsi ì svelt ensi.

1961 è el daventà schefredactur tar Timely Comics ch'è lura bainbaud daventà Marvel. Ils comics da Lee èn vegnids translatads en passa 25 linguas ed èn cumparids en varga 75 pajais.

Messadi in onur da Stan Lee:

RR novitads 21:00