Siglir tar il cuntegn

Exteriur L'inegualitad sociala vegn adina pli gronda

L'organisaziun Oxfam appellescha als participants dal WEF da s'engaschar per dapli egualitad sin il mund. Quai cun eliminar pussaivladads da na betg pajar taglia per concerns e singuls, cun metter tras pajas gistas per umens e dunnas sco er cun investir en la scolaziun e la sanadad per tuts.

In placat cun l'inscripziun "Euer Luxus ist unsere Armut."
Legenda: L'inegualitad sociala sin l'entir mund daventa adina pli gronda. Keystone

L'inegualitad sociala sin il mund è creschida l'onn passà tenor l'organisaziun d'ambient e d'agid Oxfam. Il dumber da milliardaris saja creschida en in onn uschè ferm sco anc mai. Ina raschun sajan ils concerns ed ils fitg ritgs che guntgeschian da pajar impostas. Tenor Oxfam mancan a pajais en svilup cun quest guntgir da pajar taglias mintg'onn passa 160 milliardas francs. Quai èn dapli daners che tut ils pajaments per l'agid al svilup.

L'organisaziun Oxfam appellescha als participants dal WEF da s'engaschar per dapli egualitad en il mund. Ina mesira per cuntanscher quai, saja per exempel d'evitar che concerns e singulas persunas possian mitschar da pajar taglia. Ultra da quai saja impurtant che umens e dunnas survegnian pajas gistas per lur lavur prestada e ch'i vegnia investì dapli daners en la scolaziun e la sanadad.

RR novitads 09:00