Il manader religius da l’Iran Ajatollah Ali Chamenei ha crititgà l’Arabia Saudita. L’Iran vegnia a sustegnair ils pievels en il Jemen, en il Bahrain ed en la Palestina uschè bler sco pussaivel, ha Chamenei ditg a diplomats da pajais muslims.
Ils stadis sunnits da la regiun dal golf rinfatschan a l’Iran schiit da vulair intensivar l’impurtanza en la regiun e quai a moda agressiva. Cunzunt tar il conflict en il Jemen hai dà dispitas tranter la republica islama e l’Arabia Saudita.
