Siglir tar il cuntegn

Header

cuntegn

Exteriur «L'islam na tutga betg tar la Germania»

La partida tudestga AfD ha decidì a Stuttgart in curs anti-islam. Tranter auter vul ella scumandar minarets, cloms da muezin e burcas.

Cun gronda maioritad da bun 2000 commembers ha la AfD (Alternative für Deutschland) decidì quest curs. La partida sa declera per la libertad da cardientscha, conscienza e professiun. Ins stoppia dentant metter clers cunfins al diever da la religiun, è la AfD persvadida. Blers muslims sajan integrads e sajan uschia er acceptads sco commembers da la societad.

En il chapitel per il program da partida manca dentant la formulaziun che divers manaders da la partida avevan duvrà avant la decisiun, che l'islam saja incumpatibel cun il dretg fundamental tudestg.

Artitgels legids il pli savens