Siglir tar il cuntegn

Header

cuntegn

Exteriur L'Israel sa regorda da las unfrendas

En memoria dals sis milliuns gidieus ch'èn vegnids mazzads durant il holocaust han las sirenas tibà.

Durant duas minutas han las sirenas tibà en l'entir pajais. Ils emetturs da radio e televisiun han interrut lur program. Passants, autos e maschinas èn sa fermads ed a Yad Vashem, il lieu commemorativ central, ha i dà ina ceremonia. Il schef da stadi, Reuven Rivlin, ha discurrì da las grevas cundiziuns da viver da las unfrendas da schoa ch'eran immigradas da lez temp.

Clers pleds da Rivlin

Rivlin ha punctuà che las unfrendas n'hajan anc mai survegnì il respect merità. Enfin oz n'haja il stadi d'Israel betg nizzegià tut las pussaivladads per guardar da las unfrendas dal holocaust. En l'Israel vivan ozendi 189'000 survivents da la schoa. 45'000 dad els vivan sut la limita da povradad.

Tema d'ina nova unda da antisemitissem

Ier saira aveva il substitut dal schef dal stab general, Jair Golan fatg surstar cun pleds nunusitads. En ses pled ha el avertì ch'el vesia oz en l'Israel sumegliants process sco en l'Europa avant il holocaust. El na veglia dentant betg cumparegliar il stadi israelian cun la Germania dals nazis.

RR novitads 11:00

Artitgels legids il pli savens