Il vice-primminister talian e schef dal moviment «Cinque Stelle» ha ditg envers l'emettur Canale 5 che nagin na stoppia temair che l'Italia extreschia da l'euro u da l'Uniun europeica. Tar l'elecziun n'haja la populaziun gea betg dumandà quai dals politichers. Tschantschas davart in'extrada sajan be famas da l'opposiziun per far tema.
Avant curt aveva in expert dal partenari da regenza, la «Lega» menziunà en in'intervista l'idea d'ina atgna valuta taliana.
RR novitads 09:00