Da l'Africa dal Sid fin en la Scozia, dals Pajais Bass fin en Spogna – a Bumaun sa bittan adina puspè millis ord libra voluntad e tar temperaturas enturn nulla grads en l’aua. Quai fetschia bain a la sanadad, portia sanadad l'onn nov u fa simplamain plaschair – para.
Legenda:
Viva sin l’onn nov –
tar il Bain de Paquis a Genevra.
Keystone
2 / 13
Legenda:
Senza saramonas en il nord da la Germania –
la nudada en il Stinhuder Meer.
Keystone
3 / 13
Legenda:
Ils commembers dal club da nudar Berliner Seehunde en il Orankesee.
Keystone
4 / 13
Legenda:
La bagnada tradiziunala en il port da Copenhagen en il Danemarc.
Keystone
5 / 13
Legenda:
Grischa è be l'aura –
tradiziunalmain en costums specials è il «Loony Dook Swim» en il Firth of Forth tar Edinburgh en Scozia.
Keystone
6 / 13
Legenda:
Nudar a la riva da Coney Island a New York.
Keystone
7 / 13
Legenda:
Il «Nieuwjaarsduik» a Scheweningen en ils Pajais Bass.
Keystone
8 / 13
Legenda:
En Africa dal Sid sa vai a la riva dal mar al di da Bumaun –
sco qua a Muizenberg tar Cape Town.
Keystone
9 / 13
Legenda:
A Barcelona en Spagna vegnan las temperaturas ad esser in zic main pretensiusas.
Keystone
10 / 13
Legenda:
A Marseille sa bittan ils bagnaders pir ils dus da schaner en la mar Mediterrana.
Keystone
11 / 13
Legenda:
Bavania a Minsk en Biellorussia –
far il bogn sco tradiziun cristian-ortodoxa.
Keystone
12 / 13
Legenda:
Er els fan il bogn pir tar Bavania –
ils bagnaders pronts per lur nudada en il flum Vitara sper Prag en la Republica Tscheca.
Keystone
13 / 13
Legenda:
Fertant ch'auters èn in zic pli adisads da nudar sur onn –
sco quests pinguins a Londra.
Keystone
L'onn nov vegn ad esser per la gronda part dals umans in sigl en l'aua fraida – per blers millis dentant è quai propi il cas: Ellas ed els beneventan l'onn nov cun in sigl en l'aua u schizunt cun ina nudada.
Per il pli è da chattar quest usit en l'emisfera dal nord da la terra u là, nua ch'i dà tradiziuns europeicas sco per exempel en l'Africa dal Sid u en l'Australia.
Pertge fan ins quai insumma?
Nudar en l'aua fraida duai far vegnir pli sanadaivel, purtar sanadad en l'onn nov, servir sco preparaziun al sport, gidar per arder calorias o far svanir promils suenter ils dis da festa, esser ina tradiziun pli lucca suenter ils dis festivs e steris, vegnir fatg en onur da festas religiusa u simplamain far spass.
Sche Vus avais uss er gust ...
Avrir la boxSerrar la box
Il sigl en l'aua fraida n'è nagut per ils buglialatgs: Igl è da s'endisar ordavant a las temperaturas quasi arcticas da l'aua, proteger mauns e pes, guardar dad esser en cumpagnia e betg sulet e cun avantatg betg star dapli che 5 minutas en l'aua.
Idealmain prepar'ins gia avant vestgadira chauda per suenter il bogn – u ins fa sco quels da Schweningen en ils Pajais Bass: Quels survegnan suenter il bogn fraid ina schuppa dad arveglia chauda.
