Siglir tar il cuntegn
Inhalt

Exteriur L’OSCE vul observar las elecziuns presidialas en ils Stadis Unids

L'Organisaziun per la segirtad e la collavuraziun en l'Europa vul observar las elecziuns presidialas en ils Stadis Unids da l’America e multiplitgescha il dumber d’observaturs cun tschintg.

Ina delegaziun d'observaturs da pled e fatg.
Legenda: En plirs pajais oberserveschan represchentants da l'OSCE elecziuns, qua en Tirchia il 2015. Keystone

L’Organisaziun per la segirtad e la collavuraziun en l’Europa vul trametter 100 observaturs per ina lunga durada en ils Stadis Unids per observar las elecziuns presidialas. A curta vista vegnan ils observaturs rinforzads cun ulteriuras 400 persunas. Las elecziuns actualas vegnan alura observadas pli intensiv che las ultimas elecziuns il 2012.

Ils 8 da november vegn alura elegi il successur dal president actual Barack Obama. Probabel vegn quai tar in cumbat electoral tranter Hillary Clinton e Donald Trump.

RR novitads 10:00