Siglir tar il cuntegn

Exteriur L'UE dat petta pajada als Stadis Unids

Ils dazis da vendetga da l'Uniun europeica encunter ils Stadis Unids van en vigur il fanadur. Quai han decis ils cumissaris da l'UE. Las preparaziuns necessarias duain vegnir regladas ensemen cun ils stadis commembers fin la fin da zercladur, ha declerà il vicecumissari da l'UE Maros Sefcovic.

rollas d'aluminium èn magasinadas
Legenda: La dispita da commerzi tranter ils Stadis Unids e l'UE escalescha. Keystone

Ils dazis correspundian dal tuttafatg a las reglas da l'organisaziun mundiala da commerzi WTO. La glista cumpiglia dasper rauba d'atschal er whisky, töffs u Jeans.

Ils Stadis Unids incasseschan dapi il zercladur 25% dapli dazis sin imports d'atschal e 10% dapli dazis sin aluminium da l'UE. Donald Trump sa disturba vi dal defizit dal commerzi cun l'UE. L'avrigl è quel s'augmentà sin bunamain 15 milliardas dollars.

Ils dazis supplementars da l'UE duain vegnir incassads sin imports annuals dals Stadis Unids en ina valita totala da 2,8 milliardas euros. En in segund pass vai lura per imports en ina valita da 3,6 milliardas euros.

RR novitads 16:00