Legenda:
Il president franzos François Hollande pren posiziun envers la Tirchia en connex cun la crisa da fugitivs.
Keystone
cuntegn
Exteriur - L'UE na duai betg far concessiuns envers la Tirchia
L'Uniun Europeica saja sa declerada pronta da reprender fugitivs e migrants ch'èn arrivads illegalmain en Grezia. Quai ha ditg il president franzos François Hollande a Paris.
I na dastgia perquai dentant betg vegnir fatg concessiuns envers la Tirchia en connex cun ils dretgs umans ubain levgiaments da visa. Questas dumondas stoppian vegnir scleridas tranter l'UE e la Tirchia, uschia il president franzos vinavant.
L'emna proxima duai avair lieu in'inscunter a Brüssel en connex cun la crisa da fugitivs.
